Партизанская сельская модельная библиотека

«Улуу Кыайыы 80 сыла» көрсө, Улуу кыайыыны уһансыбыт ветераннарбытыгар сүгүрүйэн «Дорога памяти» диэн тэрээһиммит чэрчитинэн Украинскай уонна Крымскай фронт» кыттыылаахтарын сыдьааннарын кытта «Кустук» уһуйааҥҥа көрсүһүү буолла. *Дорога памяти знамяны СВО кыттыылааҕа Винокуров Иннокентий Иннокентьевич туттан киллэрдэ. Бүгүҥҥү ахтыы ананна:
Аргунов Николай Константинович 1-Украинскай фроҥҥа #100 1349 стрелковай полкатыгар сэриилэспитэ — кини туһунан сиэнэ Гермогенова Е. Н кэпсээтэ,
Константинов Гаврил Константинович Крымскай фроҥҥа 24 хайыһар биригээдэтин стрелогунан #1087 полкаҕа сэриилэспит — эһэтин туһунан сиэнэ Винокуров И. И кэпсээтэ. Иннокентий бэйэтэ СВОҕа сыл кэриҥэ сэриилэһэн баран, улаханнык эчэйэн демобилизацияланан дойдутугар кэлбитэ.
Николаев Афанасий Алексеевич Украинскай фроҥҥа, онтон кэлин Япония сэриитигэр сэриилэспит — эһэтин ахтан — санаан ааста сиэнэ Григорьева У. С.
Аргунов Иван Дмитриевич 4-Украинскай фронугар Севастополь куораты босхолооһуҥҥа сэриилэспит.
Ону тэҥэ сэрии сылын оҕото «Кустук» уһуйаан бэтэрээн уһуйааччыта Шадрина Роза Петровна аҕатын туһунан кэпсээтэ, мэтээллэрин оҕолорго көрдөрдө.
Улахан бөлөх оҕолоро маршировкалаатылар, ыллаатылар.
Посельская Юлия хос эбэтин «Герой Ийэ» Романова Фекла Еремеевна тырахтарыыс кыыс туһунан билиһиннэрдэ, Аргунов Тимур хос эһэтин Саввин Афанасий Титович туһунан кэпсээтэ, тыылга ханна үлэлээбитин карточканан көрдөрдө.
Ыалдьыттар кэпсээбиттэрин кэннэ, оҕолортон ыйыталастыбыт, наһаа маладьыастар чобуотук эппиэттэстилэр.
Түмүгэр «Кустук» уһуйаан сэбиэдиссэйэ ыалдьыттарга «Улуу Кыайыы 80» сылынан эҕэрдэлээтэ уонна чэгиэн — чэбдик доруобуйаны баҕаран туран, сэмэй бэлэхтэри туттартаата. Сүгүрүйүү бэлиэтигэр «Кустук» уһуйаан эмбилиэмэтин ииллэ. Ол кэннэ уопсай хаартыскаҕа түстүбүт.
Улуу кыайыыны уһансыбыт биһиги бэтэрээннэрбитигэр өссө төгүл махтанабыт, сүгүрүйэбит!